East Micronesia Cable System (EMCS)
Grievance Redress Mechanism (GRM)
INAN TSIMINE AN META AN ROE BURIÕUT EPONÑAME EAN MAKURIN BEN EMCS TEKEI ÕAÑAN WAN SYSTEM, PUMWEN, OMAMOEN, AN AKÕDA CABLE ME MEMAK RIRIÑEN INON. MUNGANE EROE URA ÑANA TOWE EQUAL OPPORTUNITIES, NON-DISCRIMINATION, FAIRNESS ME ANTI-CORRUPTION.
TSIN IA ENIM META MUÑANE, BITA EMCS OGITEN GADAUW IMIT INON ÑANA INAN GONAN BUÕK ÕDABAR, ÕEIMWI, ÕGARÕ ME OAIO. BITUNE GRIEVANCE REDRESS MECHANISM OGITEN ÕEÕG MEMAK NGANA ÕMEATA IAN MURANA EMCS.
OUWAKIN AN MAKUR BITA EMCS GRM, ENIM ÕWERERI ME BUÕK URA ÑABUNA TSIMINE AURA ROE EAN BITUNE EMC PROJECT BWE ENIM GONAN ÕEÕGIDA ME ÕNANI BUÕKEN MUÑANA EROE TOWE AN NUWAW BITA PROJECT. AN MAKUR GRM ENIM ÕMERO ME KAIÕT/BUÕK MUÑANA EROE ÑANA EPO BÚRIÕUN MEMAK ÑABUNA TSIMINE MAKURIN BEÕRA EAN.
Grievance Redress Process/ DEIDET IPUÕK
TSIN IA AGGRIEVED PERSON (AP) EÕ EPO BURIÕUN OA TSIMINE IYUW WAN COMPLAIN EANT TAM AN NUWAW BITA PROJECT, RE GONAN ÕMEATU ROEÚRA. DEIDET IPUÕK EÕEÕG INO IYUNG.
ADAMONIN: TSINA AP EÕ EPO TUBWIN, EGONA TOTU ROEINN EAN AN NAÑA AROWONGA RAN BITA EPO, GONA TEREPON EI URA, ONUWAIW AEN EAT MESSAGE, ÕDÕN EAT POST OFFICE, NAÑA WANGARA WEBSITE OA EMAIL (EKEOW EÑAME INAN TSIET) EA BITA AN OBID EMCS PROJECT COORDINATION UNIT (PCU) ÑEA MAKUR EA BITA EB OA BITA AN OBID IMPLEMENTING AGENCY (IA) PROJECT MANAGER.
MEMAK IMIN METU ME TSIMINE WOUN INAT ÕGÕK ME RECORD EI (GRIEVANCE FORM, MAPS, MINUTE IT EPO, ETAMWINEI ETC).
MEMAK MUÑANA EROE INAT ÕIJÕN EA BITE PCU INO INAN AIA, ININI EI ME RECORD EI.
KAROWARIN: EAN ÕGÕKEN MUÑANA EROE, BITA PCU MAKUR EA BITA EB ENIM AIA MUÑANA EROE ME TOTOW AN KAMARAR TSIN IA TOWE EMCS ME DEIDEIT ENIRONMENT ME ITSIMOR.
MUÑANA EROE EÕ TOWE BITE PROJECT (EMCS) INAT ONUWAW EA BITA DÕRABAT EIMWI ENIM NAÑA BWE RE NIM EWIDODUWA IA EGONA.
KATSIWÕRIN: EI AN MAKUR ME OAION BITA PCU MAKUR EA BITA EB ENIMÕ ÕGÕK ME QUOQUON BUÕK MUÑANA EROE IAT EPAR.
TSIN IA BITA DÕRABAT EPO TUBWIN ME ÕMAG RIRINGEN MUÑANA EROE, ME OMO IMWIT AÑÕG EMETA EAN DORER EIJEN, INAT LOG EI ME ÕIJÕN EA BITA PCU PROJECT MANAGER ME OIJA BET COPY EA IA PROJECT MANAGER, PCU E&S SAFEGUARD ADVISOR.
KATAEOG: IA EO GONA MAG AÑÕGEN (i.e AP EÕ EPO BURIÕÚN) BITA PCU MAKUR EA BITA EB INAN ONUWAIW AÑÕGEN EA PCU MANAGER, IA PROJECT4 MANAGER ME BITA E&S SAFEGUADS ADVSIOR BWE RE NIM EPEPIJ RIRIÑEN BITA COMPLAIN/EROE.
MEMAK RIRIÑEN MUÑANA ENIM EO DOGIN REDOA BITA AP BWE NIM ÕMAG KAMARAR EIJEN ME RIRIÑEN.
KATIMON: IA TA OUGA BWE EÕ META IMWIT AÑÕG, ME EÕ EPO BURIÕÚN AP EAN, INAN BITA PCU PROJECT MANAGER ÕBUIDA ME OIJA EMCS MANAGEMENT COMMITTEE (MC) BWE RE NIM ÕMEATA ODITUWEN NIM GONAN ÕEÕG BITA EROE. EI BET AN MAKUR PCU PROJECT MANAGER NIM LOG EI MEMAK ÕAÑAN, IKEGET IMIN META, IMWIT AÑÕG ME TUK EDAGAN E BITA ÕAÑAT EPEP, ME EI BET ENIM OIJA COPY EA IA PROJECT MAANGER ME E&S SAFEGUARD ADVISOR.
QUAÑON: ÑAGA META AN EPO ME EIMWI AN NUWAW BITA ISSUE, PCU MANAGER ENIM TAR EA CLAIMANT EAN AN NIM ÕMEATA IMWIT AÑÕG.
QUAEIUN: TSIN IA EO GONA OA COMPLAINANT EÕ EPO BURIÕÚN EAT IMWIT AÑÕG ETOTOW EOW TURIN MC, AP EGONA OTA BITA EROE EA URA ÑABUNA LEGAL OA ÑABUNA RAT JUDICIARY. AN MWIT AÑÕG COURT NAN EI DOGIN.
Project Issues Grievance Key Contacts:
PCU MAKUR EA BITA EB (Kiribati)
Email: ceo@bnl.com.ki
PCU MAKUR EA BITA EB (FSM)
Email: gsegal@fsmcable.com
PCU MAKUR EA BITA EB (Nauru)
Email: jjjjudit4@gmail.com